Informationen över Oeversee

An de 1. März 2008 hebben sik de Gemeenden Oeversee und Sankelmark tosamenschlaten to de Grootgemeende Oeversee. Dorto tellen de Ortsdele Augard, Barderup, Bilschau, Frörup, Juhlschau, Munkwolstrup, Oeversee und Sankelmark. Nu is Oeversee rd. 3600 ha groot.  
                                                                                                      
Schon 1974 fusioneerden dormals de Gemeenden Oeversee und Frörup to de Gemeenden Oeversee; und de Gemeenden Barderup, Bilschau, Juhlschau, Munkwolstrup und Sankelmark to de Gemeende Sankelmark.

De beiden Gemeenden harrn ok all vörher vele Steden tosamen, de  beiden brukden, so as de Kirchengemeende, de School, de Kindergoarns, de Sportvereen und so wieder.
Ok de kommunalen Entwicklungsmööglichkeiten, de deelwies vun de Landesregerung vörgeven wurn, brökden de Menschen to spiekeleren.
Dat hett denn 2 Jahr duert, in de Tied geev dat Versammlungen, Umfragen und Diskussionen.
Denn wärn de Gemeendevertreter sik eenig.
An de 27.02.2007 wär denn de Landrat Bogislaw- Tessen von Gerlach hier. Dor hebben de Börgermeesters Hans-Heinrich Jensen-Hansen (Oeversee) und Uwe Ketelsen (Sankelmark) de Verdrag ünnerschreven , de ut twee Gemeenden een makde.

Oeversee heet reine Natur!
Wi hebben de Treene, de sik sinnig dor de Landschaft schlängelt, dat Naturschutzgebiet „Fröruper Berge“, de schöne ole Wehkirch und de Arnkiekpark mit de Megalithgräver.
Dat all makt wat her.
De Grootgemeende Oeversee hett en gode Opdelung: de Grundschool mit Hortoppass över de ganze Dag
, 3 Kinnergoarns, Jugend- und Senioreninrichtungen, twee praktische Dokters, und twee Tähndokters.
Und na de Grundschool? Denn gifft dat Gemeenschaftsschoolen   in Tarp und Flensburg,
Reginoalschoolen in Eggebek und Flensburg und Gymnasien in Flensburg und Satrup.
In Flensburg gifft dat denn ok noch een Waldorfschool.
Dörch de Fusion wohnen nu rund 3500 Lüüd hier in Oeversee.
Hier kann man sik dat good gahn laten. Hier warrd uns wat baden. Wi hebben vele Vereene, dat gifft de Sportvereen „TSV Oeversee“, de Speeldeel Oeversee, de Radsportvereen dat Blasorchester Uggelharde und
de Schüttenvereen. Man kann in sein Frietied en masse ünnernehmen und man kann in de „Fröruper Berge“ wunnerbar spazeren gahn und wannern.
Wi könen ok noch wassen, denn dat gifft noch Buland.
Und wi wölln gern noch mehr junge Familien hier begröten, dorför warrn in de Kinnergoarns sogar noch mehr Krippenplätze för Kinner af 1 Jahr inrichtet.  

[torüch]